काठमाडौं माघ १७ गते । गृहमन्त्रीबारे निर्णय गर्ने अधिकार प्रधानमन्त्रीसँग भएको नेपाल कम्युनिस्ट पार्टी (माओवादी केन्द्र)का उपाध्यक्ष कृष्णबहादुर महराले बताएका छन् । पार्टी पदाधिकारीहरूको बैठकपछि सञ्चारकर्मीलाई प्रतिक्रिया दिँदै सो विषयले बैठकमा प्रवेश नै नपाएको जानकारी दिँदै दिएका छन् । उनले प्रधानमन्त्री पुष्पकमल दाहाल ‘प्रचण्ड’ले नै गृहमन्त्रीका बारेमा निर्णय गर्ने भएकोले यो विषयले पार्टीभित्र प्रवेश नगरेको बताएका छन् ।
सर्वोच्च अदालतको आदेशपछि शुक्रबार उपप्रधानमन्त्री तथा गृहमन्त्री रवि लामिछानेले आफ्नो पद गुमाउका थिए । सो पदमा कसलाई नियुक्त गर्ने भन्ने विषयमा प्रधानमन्त्रीले आवश्यक निर्णय गर्नुभएको छैन हाल आफ्नै मातहतमा राखेका छन् । माओवादी केन्द्रले स्थायी समितिको बैठक दुई दिनका लागि स्थगित गरेको छ। पार्टी केन्द्रीय कार्यालय पेरिसडाँडामा सोमबार बोलाइएको पदाधिकारी बैठक माघ १८ गते बोलाउने निर्णय गरिएको छ।
