काठमाडौं । फागुन २५ गते
आज सूचना प्रकाशित गर्दै राष्ट्रिय भूमि आयोगले करारमा सर्वेक्षक र अमिन भर्नाका लागि आवेदन आह्वान गरेको छ । सूचना प्रकाशित गर्दै करारमा नापी प्राविधिकहरू माग गरिएको हो ।
इच्छुक र योग्यता पुगेका व्यक्तिहरूलाई सूचना प्रकाशित भएको मितिले सात दिनभित्र दरखास्त दिन भनिएको छ । आयोगले करारमा नियुक्त गर्ने गरी १२६ सर्वेक्षक र ७३ अमिनका लागि आवेदन माग गरेको हो ।ताहाचलस्थित राष्ट्रिय भूमि आयोगको कार्यालयमा दरखास्त बुझाउनुपर्ने सूचनामा उल्लेख छ ।
